រដ្ឋមន្ត្រីអប់រំ អញ្ជើញសម្ពោធឯកសារកម្មវិធីសិក្សាថ្មី​ស្ដីពីការសិក្សាបែបគម្រោង

(ភ្នំពេញ)៖ ឯកឧត្តមបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា អញ្ជើញ​សម្ពោធ​ការ​ដាក់ឱ្យដំណើរការឯកសារកម្មវិធីសិក្សាថ្មីស្តីពី «ការសិក្សាបែបគម្រោង» នាព្រឹក​ថ្ងៃទី​១៥ ខែសីហា ឆ្នាំ ២០២៣ នៅវិទ្យាល័យព្រែកលៀប (កម្មវិធីសាលារៀនជំនាន់ថ្មី)។ ពិធីសម្ពោធនេះ គឺជាឱកាសមួយដើម្បីបង្ហាញពីលក្ខណៈពិសេស អត្ថប្រយោជន៍ និង​ផែន​ការ​អនុវត្ត​ឯក​សារបណ្តុះបណ្តាល «ការសិក្សាបែបគម្រោង» ដល់ភាគីពាក់ព័ន្ធក្នុងក្រសួងអប់រំ យុវជន និងកីឡា ក៏ដូចជាអ្នកចូលរួមផ្សេងទៀតដែលចាប់អារម្មណ៍ ឬជា​អ្នក​ទទួល​ផល​ពី​គំនិត​ផ្តួច​ផ្តើម​បង្កើត​នេះ។ ពិធីនេះនឹងបង្ហាញពីរបៀបដែលសៀវភៅ «ការសិក្សាបែបគម្រោង» សមស្របនឹងចក្ខុវិស័យ និង​បេសក​កម្ម​របស់ក្រសួង និងពីរបៀប​ដែល​វា​ចូល​រួម​ចំណែក​ដល់​ការ​អភិវឌ្ឍ​យុវជន​របស់​ប្រទេស​កម្ពុ​ជា​៕