មាន១៤នាយកប្រតិបត្តិអង្គការចលនា២សុខភាពកម្ពុជា បានលើកឡើងថា បារីមិនត្រឹមតែធ្វើឱ្យប៉ះពាល់ផ្នែកសុខភាពដល់អ្នកជក់ផ្ទាល់នោះទេ គឺវាក៏បង្កផលប៉ះពាល់ដល់អ្នកជុំវិញខ្លួនទៀតផង ដោយសារអ្នកជក់បារីនោះ បានបំភាយផ្សែងបារីចេញមកក្រៅ ខណៈដែលផ្សែងបារីជាកត្តាបង្ក ហេតុឱ្យកើតមានជំងឺផ្សេងៗជាច្រើន ។
លោកវេជ្ជបណ្ឌិត មុំ គង់ នាយកប្រតិបត្តិអង្គការចលនាដើម្បីសុខភាពកម្ពុជា បានមានប្រសាសន៍ថា ការជក់បារី ផ្តល់ផលវិបាកយ៉ាងច្រើនដល់សុខភាព អាចបណ្តាលឱ្យស្លាប់ និងមានជំងឺធ្ងន់ធ្ងរជាច្រើន រួមមាន ជំងឺដាច់សរសៃឈាមក្នុងខួរក្បាល ជំងឺស្ទះសរសៃឈាមបេះដូងកក ជំងឺឆ្លងផ្លូវដង្ហើមផ្នែកខាង ក្រោម ជំងឺត្បៀតទងសួតរុំារៃ និងជំងឺមហារីកសួត ទងសួត បំពង់ខ្យល់ជាដើម ដែលបណ្តាលឱ្យប្រឈមនឹងការស្លាប់មុនអាយុ ។
លោកវេជ្ជបណ្ឌិត បានបន្តថា ការជក់បារីភាគច្រើនគឺសុទ្ធតែជាបុរស ការឈឺ និងចំនួនអ្នកស្លាប់ភាគច្រើនក៏ជាបុរស ប៉ុន្តែក្នុងន័យនេះ មិនមាន ន័យថា ស្ត្រីមិនរងប៉ះពាល់នោះទេ ព្រោះស្រ្តីមួយចំនួនត្រូវបានស្រូបយកផ្សែងបារីពីសា្វមីរបស់ខ្លួន ក៏ដូចជាមជ្ឃដ្ឋានជុំវិញខ្លួន ដែលជះឥទ្ធិ ពលប៉ះពាល់ដល់សុខភាពដូចគ្នា ។
លោកវេជ្ជបណ្ឌិត បានបន្តថា « ដោយសារថានៅប្រទេសកម្ពុជាយើង ក៏ដូចជានៅក្នុងបណ្ដាប្រទេសផ្សេងៗនៅក្នុងអាស៊ីដែរ អត្រាជក់បារីរបស់បុរសមានច្រើនជាងស្ត្រី ដូច្នេះផលប៉ះពាល់ ការឈឺ ចំនួនអ្នកស្លាប់ និងចំនួនអ្នកប៉ះពាល់ដោយសារថ្នាំជក់កើតឡើងចំពោះបុរសច្រើន ជាងស្ត្រីដែរ បើនិយាយអ៊ីចឹងគឺយើងមិននិយាយថា ស្ត្រីមិនមានផលប៉ះពាល់នោះទេ ថ្វីដ្បិតតែការជក់បារីក្នុង ចំណោមស្ត្រីមានអត្រាទាប ប៉ុន្តែការស្រូបផ្សែងបារីរបស់គេក្នុងចំណោមនោះ គឺស្ត្រីមានអត្រាខ្ពស់ណាស់ ដូចជាការស្រូបនៅកន្លែងធ្វើការ មួយចំនួន តាមផ្ទះ ឬការធ្វើដំណើរតាមមធ្យោបាយសាធារណៈ និងទីសាធារណៈជាដើម គឺគាត់បានស្រូបផ្សែងបារីពីនាក់ដែលបានជក់បារីទាំងនោះ » ។
លោកវេជ្ជបណ្ឌិតបានបន្ថែមថា យ៉ាងណាក៏ដោយ ក្នុងមួយរយៈចុងក្រោយនេះ ចំនួនអ្នកជក់បារី ក៏បានថយចុះនៅក្នុងសង្គមកម្ពុជា ស្របពេលដែលមានច្បាប់ត្រួតពិនិត្យថ្នាំជក់ ដែលបានកំណត់តំបន់គ្មានផ្សែងបារី នៅតាមទីសាធារ ណៈ ក៏ដូចជា នៅកន្លែងឯក ជន តាមភោជនីយដ្ឋាន និងសណ្ឋាគារ ជាដើម។ ក្រៅពីនេះ តាមហាងបាយ និងហាងកាហ្វេជាច្រើន ពិសេសនៅភ្នំពេញ ក៏បានបិទស្លាក ហាមជក់បារី ផងដែរ។ ការជក់បារី នៅទីកន្លែងហាមឃាត់ទាំង នេះ ត្រូវបានរាជរដ្ឋាភិបាល ចេញអនុក្រឹត្យ កាលពីឆ្នាំ ២០១៦ ដោយកំណត់ផាក ពិន័យ ចន្លោះពី ២០.០០០ រៀល ដល់ ៥០.០០០ រៀល។ ក៏ប៉ុន្តែការអនុវត្តវិធានការផាក ពិន័យនេះ ហាក់ដូចជាពុំសូវមានប្រសិទ្ធភាពប៉ុន្មានឡើយ ។
ជាមួយគ្នានោះ លោកវេជ្ជ បណ្ឌិតបានសង្កត់ធ្ងន់ថា មានតែបុគ្គលអ្នកជក់បារីផ្ទាល់តែប៉ុណ្ណោះ ដែលគួរតែភ្ញាក់ ខ្លួនថា ការជក់បារី ក្រៅពីអស់លុយ ខាតពេលហើយ សំខាន់ជាងគេ គឺបារីបំផ្លាញសុខភាព មិនត្រឹមតែខ្លួនឯងអ្នកជក់ទេ តែអ្នកនៅជុំវិញខ្លួន ក៏រងផលប៉ះពាល់ពីផ្សែងបារីនេះដែរ។ សូមកុំចាំដល់ធ្លាក់ ខ្លួនឈឺ ដោយសារតែជក់បារី ទើបដឹងខ្លួន យើងគួរតែការពារប្រសើរជាងព្យាបាល៕
