រាជធានីភ្នំពេញ ៖ ម៉ូតូសណ្ដោងកន្ទុយរ៉ឺម៉ក១គ្រឿងដឹកនំកញ្ចប់ចម្រុះច្រើនប្រភេទបានបើកបរឆ្លងផ្លូវយកនំដាក់ឲ្យម៉ូយ ក៏បានជ្រុលទៅបុ.កជាមួយម៉ូតូម៉ាកហុងដាស្កូបពី១គ្រឿង ដែលជិះដោយសិស្សស្រីចំនួន៣នាក់ បណ្ដាលឲ្យម៉ូតូដួលខ្ទា.តធ្លា.ក់ចូលទៅក្នុងប្រឡាយទឹកស្អុយ ហើយសិស្សស្រីទាំង៣នាក់នោះបានរងរបួស ចំណែកម៉ូតូសណ្ដោងរ៉ឺម៉កដឹកនំ ក៏បានក្រឡា.ប់ខ្លួនឯងដេកស្ដូកនៅលើផ្លូវ។
ហេតុការណ៍ខាងលើនេះនោះបានកើតឡើងកាលពីវេលាម៉ោង១និង៥០នាទីរសៀលថ្ងៃទី២៣ ខែកុម្ភៈ ឆ្នាំ២០២៣ នៅតាមផ្លូវជាតិលេខ៤ ស្ថិតនៅក្នុងភូមិអង្គកែវ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
ម៉ូតូសណ្ដោងកន្ទុយរ៉ឺម៉កខាងលើនោះម៉ាកស៊ីទី១០០សេសេ (អាសង់កូរ៉េ) ពណ៍ក្រហម គ្មានស្លាកលេខ បើកបរដោយបុរសពុំស្គាល់អត្តសញ្ញាណម្នាក់ ចំណែកម៉ូតូម៉ាកហុងដាស្គូពី ពណ៍ក្រហម មើលមិនឃើញស្លាកលេខនោះទេ ព្រោះលិចទៅក្នុងទឹកស្ទើរតែទាំងស្រុងទៅហើយ។
អ្នកឃើញហេតុការណ៍បាននិយាយថា នៅមុនពេលកើតហេតុ គាត់បានឃើញម៉ូតូសណ្ដោងកន្ទុយរ៉ឺម៉កដឹកនំកញ្ចប់ចម្រុះច្រើនប្រភេទ បើកដោយបុរសម្នាក់ធ្វើដំណើរក្នុងទិសដៅពីកើតទៅលិច ។ លុះពេលទៅដល់ត្រង់ចំណុចកើតហេតុបានបត់ឆ្លងផ្លូវ ដើម្បីយកនំដាក់ឲ្យម៉ូយ ខណៈនោះស្រាប់តែបុកជាមួយម៉ូតូស្កូបពី ពណ៌ក្រហម ជិះដោយក្មេងស្រីសិស្សសាលាចំនួន៣នាក់ ដែលកំពុងធ្វើដំណើរក្នុងទិសដៅពីលិចទៅកើត បណ្តាលឲ្យក្រឡា.ប់ផ្ងារជើងខ្លួនឯង ហើយម៉ូតូបានខ្ទា.តធ្លា.ក់ចូលទៅក្នុងប្រឡាយទឹក ហើយសិស្សស្រីទាំង៣នាក់ខាងលើរងរបួសយ៉ាងដំណំ ។
