ខេត្តបន្ទាយមានជ័យ ៖ បុរសជនជាតិថៃម្នាក់បានបើករថយន្តគៀរថយន្តព្រុសចតទុកចោលបណ្តាលក្រឡា.ប់ផ្ងារជើងខ្លួនឯង ដែលហេតុការណ៍នេះបានកើតឡើងកាលពីថ្ងៃទី៩ ខែកុម្ភៈ ឆ្នាំ២០២៣ នៅផ្លូវដើមពន្ទ្រា ស្ថិតភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត។
ភាគីខាងរថយន្តមួយគ្រឿងម៉ាកហុងដា ពាក់ផ្លាកលេខ ភ្នំពេញ 2BS-2741 បើកបរដោយបុរសជនជាតិថៃម្នាក់ និងប្រពន្ធជាអ្នករួមដំណើរ ។ ចំណែកភាគីខាងរថយន្តមួយគ្រឿងម៉ាកព្រូស ពាក់ផ្លាក់លេខ ភ្នំពេញ 2AD-1772 ។
អ្នកឃើញហេតុការណ៍បានប្រាប់ថា មុនពេលកើតហេតុ គេឃើញរថយន្តម៉ាក់ហុងដា បានទៅកៀរ រថយន្តម៉ាកព្រូស ដែលចតចោលចិញ្ចើមផ្លូវ បណ្តាលឱ្យរថយន្តហុងដាក្រឡា.ប់ផ្ងារជើង ចំណែករថយន្តម៉ាកព្រូសបានរងការខូចខាតផងដែរ ។
ក្រោយពេលគ្រោះចរាចរណ៍កើតឡើង គេឃើញមន្ត្រីនគរបាលចរាចរណ៍ផ្លូវគោកក្រុងប៉ោយប៉ែតបានចុះទៅពិនិត្យវាស់វែង និងសម្រួលចរាចរណ៍ ដោយបានប្រាប់ឱ្យដឹងថា គ្រោះថ្នាក់ចរាចរណ៍ខាងលើកើតឡើង ដោយសារបុរសជនជាតិថៃបើកបររថយន្តម៉ាកហុងដាបានបើកកៀរថយន្តម៉ាកព្រូស ដែលចតចោលនៅចិញ្ចើមផ្លូវ បណ្តាលឱ្យរថយន្តម៉ាកហុងដាក្រឡា.ប់ ចំណែករថយន្តម៉ាកព្រូស បានរងការខូចខាតផងដែរ តែគ្មានអ្នករងរបួសធ្ងន់ធ្ងរទេ។
មន្ត្រីនគរបាលចរាចណ៍បានបញ្ជាក់ថា ក្រោយគ្រោះថ្នាក់ចរាចរណ៍កើតឡើងរវាងរថយន្តហុងដា និងរថយន្តព្រូស មន្ត្រីនគរបាលចរាចរណ៍បានទុកពេលអោយភាគីម្ចាស់រថយន្តទាំងសងខាងជជែកដោះស្រាយគ្នា ត្រូវបានបញ្ចប់រឿងដោយម្ចាស់រថយន្តហុងដាសំណងទៅម្ចាស់រថយន្តព្រូសចំនួន៥០.០០០បាត ដើម្បីបញ្ចប់រឿងនៅកន្លែងកើតហេតុ ៕
