រាជធានីភ្នំពេញ ៖ សមត្ថកិច្ចចម្រុះខណ្ឌទួលគោកកាលពីព្រឹកថ្ងៃទី១ខែ កុម្ភៈ ឆ្នាំ២០២៣នេះ បានចុះបិទផ្លុំបេភោជនីយដ្ឋានយីហោ«កន្លែងថ្មី» ស្ថិតនៅក្រោយ សណ្ឋាគារ ដឺឡឺប្រេស៊ីដង់ បន្ទាប់ពីអគ្គីភ័យបានឆាបឆេះយ៉ាងសន្ធោសន្ធៅ បណ្តាលអោយមនុស្សស្លា.ប់ជាបន្តបន្ទាប់ កើនឡើងរហូតដល់៣នាក់ ។ នៅក្នុងហេតុការណ៍នេះដែរ ជាងផ្សារដែកចំនួន៣នាក់ ដែលជាអ្នកបង្ក ត្រូវបានសមត្ថកិច្ចឃាត់ខ្លួន ហើយគ្រោងនឹងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមច្បាប់។
នៅព្រឹកនោះដែរ ក៏មានការចូលពីម្ចាស់ហាងឈ្មោះ ហុក ទ្រី ភេទប្រុស អាយុ៣១ឆ្នាំ មានទីលំនៅផ្ទះលេខ45F បូរីលឹមឈាងហាក់ សង្កាត់វាលស្បូវ ខណ្ឌច្បារអំពៅ រាជធានីភ្នំពេញផងដែរ។
តាមលោកវរៈសេនីយ៍ឯក ស៊ឹម ពិសិដ្ឋ អធិការនគរបាលខណ្ឌទួលគោក បានអោយដឹងថា ដោយបានការអនុញ្ញាតពីលោកសុខ កែវ បណ្ឌិត ព្រះរាជ្ញារងនៃអយ្យការអមសាលាដំបូងរាជធានីភ្នំពេញ គណះកម្មាការចម្រុះ ដឹកនាំដោយលោក ចាន់ បណ្ឌិត អភិបាលរងខណ្ឌទួលគោក បានចុះទៅបិទផ្លុំបេភោជនីយដ្ឋាន យីហោ«កន្លែងថ្មី»ជាបណ្តោះអាសន្ន បន្ទាប់ពីអគ្គីភ័យ ឆាបឆេះបណ្តាលអោយមនុស្សស្លា.ប់ចំនួន៣នាក់។
តាមព័ត៌មានអោយដឹងថា ការចុះបិទទីតាំងហាងដែលកើតមានអគ្គីភ័យ រង់ចាំសមត្ថកិច្ចចាត់ការតាមនីតីវិធី ដើម្បីរកយុត្តិធម៌អោយជនរងគ្រោះ ព្រមនឹងដោះស្រាយសំណងផ្សេងៗដែលបានរងការខូចខាតដោយតែអគ្គីភ័យនេះ។
គួរបញ្ជាក់ថា ភោជនីយ៍ដ្ឋាន យីហោ «កន្លែងថ្មី» ស្ថិតនៅចំណុចផ្ទះលេខ៨៨និងផ្ទះលេខ៩០តាមបណ្តោយ ផ្លូវលេខ១៣៨ កែងផ្លូវលេខ១៣៣ ក្នុងភូមិទី២ សង្កាត់ផ្សារដេប៉ូទី២ ខណ្ឌទួលគោក រាជធានីភ្នំពេញ ត្រូវបានអគ្គីភ័យឆាបឆេះយ៉ាងសន្ធោសន្ធៅកាលពីវេលាម៉ោងប្រមាណ១០និង៣០នាទីព្រឹកថ្ងៃទី ៣១ ខែ មករា ឆ្នាំ២០២៣ បណ្តាលអោយអ្នកលក់កាហ្វេម្នាក់ និងបុគ្គលិកហាង២នាក់ស្លា.ប់ជាបន្តបន្ទាប់ចំនួន៣នាក់ ។ បន្ទាប់ពីកើតមានអគ្គីភ័យ នៅវេលាម៉ោងប្រមាណ៣និង៣០នាទី នគរបាលខណ្ឌទួលគោកបានឃាត់ខ្លួនជាងផ្សារដែកចំនួន៣នាក់ ដែលជាអ្នកបង្កអោយកើតមានអគ្គីភ័យនេះ។
ជាងផ្សារដែកចំនួន៣នាក់ដែលត្រូវឃាត់ខ្លួនខាងលើរួមមាន ១-ឈ្មោះអុន វ៉ាន់ ភេទប្រុស អាយុ៣៨ឆ្នាំ ជាមេជាង ដែក ស្នាក់នៅបន្ទប់ជួល តាមផ្លូវលេខ ២១០ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ២-ឈ្មោះអុន ចាន់វ៉ូ ភេទប្រុស មុខរបរជាងផ្សារដែក និង៣-ឈ្មោះសុខ ក្រិត ភេទប្រុស អាយុ៣០ឆ្នាំ ជាងផ្សារដែក ។
ចំណែកជនរងគ្រោះដែលបានស្លា.ប់ចំនួន៣នាក់ខាងលើរួមមាន ១-ឈ្មោះកែម កូលីន ភេទប្រុស អាយុ៤២ឆ្នាំ មុខរបរជាអ្នកលក់កាហ្វេ មានស្រុកកំណើត ភូមិឈើទាល ឃុំឈើទាល ស្រុកបាណន់ ខេត្តបាត់ដំបង បានស្លា.ប់នៅកន្លែងកើតហេតុក្នុងបន្ទប់ទឹក ២-ឈ្មោះ ធឹម ផល ភេទស្រី អាយុ២៨ឆ្នាំ មុខរបរ ជាអ្នករត់តុ មានស្រុកកំណើត ភូមិក្រាំងឬស្សី ឃុំមហាឬស្សី ស្រុកកំពង់ស្ពឺ ខេត្តកំពង់ស្ពឺ បានស្លា.ប់នៅពេលបញ្ចូនទៅដល់មន្ទីរពេទ្យមិត្តភាពកម្ពុជា-ចិន ព្រះកុសុមៈ និង៣-ឈ្មោះសេង សំអាង ភេទប្រុស អាយ២៩ឆ្នាំ មុខរបរជាអ្នករត់តុ មានស្រុកកំណើត ក្នុងភូមិកោះកាពិ ឃុំកោះកាពិ ស្រុកកោះកុង ខេត្តកោះកុង បានរងរបួសធ្ងន់ហើយបានស្លា.ប់កាលពីវេលាម៉ោងជាង២ឈានចូលថ្ងៃទី១ ខែកុម្ភះ ឆ្នាំ ២០២៣ ហើយត្រូវបានក្រុមគ្រួសារបញ្ចូនទៅតម្កល់ធ្វើបុណ្យនៅឈាបនដ្ឋានវត្តទឹកថ្លា ដើម្បីបូជា។
តាមព័ត៌មានអោយដឹងថា នៅវេលាម៉ោងប្រមាណ៧ព្រឹកថ្ងៃកើតហេតុ ម្ចាស់ហាងបានជួលជាង៣នាក់ អោយមកផ្សារដែកបន្ថែម ដើម្បីធ្វើប្លង់សេជាន់ទី១ ក្នុងហាងដើម្បីដាក់តុថ្មីទទួលភ្ញៀវបន្ថែម ។ នៅវេលាម៉ោងប្រមាណ១០និង៣០នាទីព្រឹក ខណះពេលដែលផ្សារជាង៣នាក់ មានការធ្វេសប្រហែស ពេលផ្សារបណ្តាលអោយកំទេចភ្លើងធូបធ្លាក់មកក្រោមលើឃ្លាំងទុកសម្ភារះ រួមមានប៉ុង និងសាឡុង ព្រមទាំងសម្ភារះផ្សេងៗទៀតនៅខាងផ្ទះល្វែងបង្កទៅជាអគ្គីភ័យឆាបឆេះយ៉ាងសន្ធោសន្ធៅតែម្តង។
នៅក្នុងហេតុការណ៍ខាងលើនេះ បណ្តាលអោយជនរងគ្រោះទាំង៣នាក់ដែលកំពុងតែដេកនៅក្នុងបន្ទប់ ជាប់មិនអាចរត់ចេញរួច ហើយព្យាយាមសង្គ្រោះដោយខ្លួន ហើយម្នាក់ជាអ្នកលក់កាហ្វេបានរត់ចូលទៅស្លា.ប់ក្នុងបន្ទប់ទឹកជាន់ក្រោម ។ ចំណែកនារីម្នាក់បានព្យាយាមរត់ដែរ តែថប់ដង្ហើមដួលសន្លប់នៅកាំជណ្តើររហើយ ត្រូវបាននគរបាលសំរុកចូលទៅជួយសង្គ្រោះដែរ តែនាងបានថប់ដង្ហើមស្លា.ប់នៅពេលបញ្ចូនដល់មន្ទីរពេទ្យ ។ ដោយឡែក បុរសម្នាក់បានរត់ចេញទាំងភ្លើងឆេះពេញខ្លួន ហើយ ត្រូវបាននគរបាលហោរថយន្តបញ្ជូនទៅសង្គ្រោះដែរ តែក្រោយមកក៍បានស្លា.ប់បាត់បង់ជីវិតដែរ ៕
សូមរំលឹកឡើងវិញថា ៖ឆេះភោជនីយដ្ឋានមួយកន្លែង ក្រោយសណ្ឋាគារឡឺប្រេស៊ីដង់ ស្លា.ប់បុគ្គលិកម្នាក់ របួសធ្ងន់២នាក់សោកស្តាយ! បុគ្គលិកម្នាក់ទៀត បានស្លា.ប់ក្នុងអគ្គិភ័យឆេះភោជនីយដ្ឋានកាលពីព្រឹកមិញ
