ភ្នំពេញ៖មហាជននៅក្នុងបណ្ដាញសង្គម នាពេលថ្មីៗនេះ បាននាំគ្នាចាប់អារម្មណ៍ នូវទីតាំងសួនបៃតងដ៏ធំមួយកន្លែង ក្នុងភូមិសាស្ត្ររាជធានីភ្នំពេញ ស័ក្តិសមសម្រាប់ការលម្ហែអារម្មណ៍ ជួបជុំកម្សាន្ត ស្រស់ស្រាយបំផុត។
ស្ថិតនៅភូមិកោះនរា សង្កាត់និរោធ ខណ្ឌច្បារអំពៅ រាជធានីភ្នំពេញ សួនច្បារនរា ឬ Norea Garden ជាសួនបៃតងដ៏ធំទូលាយ មានទេសភាពស្រស់ស្អាត សាងសង់ឡើងដោយមានរចនាបថ បែបអឺរ៉ុប ដែលអាចឱ្យប្រិយមិត្ត ទៅអង្គុយជួបជុំ លម្ហែអារម្មណ៍ ឬ អានសៀវភៅកម្សាន្ត ឱ្យអារម្មណ៏ស្រស់ស្រាយ។
មិនតែប៉ុណ្ណោះ នៅទីនោះ លាតសន្ធឹងទៅដោយវាលស្មៅបៃតង ប្របមាត់ស្រះ ជាពិសេសមានផ្ការាប់សិបប្រភេទ រីកស្គុះស្គាយដេដាស បម្រើអារម្មណ៍ប្រិយមិត្តឱ្យរសាយអស់នូវទុក្ខកង្វល់ និង ថតរូបលេងជាមួយនឹងប្លង់ថតរូបស្អាតៗ ដោយសេរី ពុំមានគិតថ្លៃចូលទស្សនានោះឡើយ៕
