ខេត្តក្រចេះ ៖ បុរសម្នាក់ត្រូវគេដឹងថា បើករថយន្តក្នុងស្ថានភាពស្រវឹងជោកជាំក៏រេចង្កូតទៅបុកផ្ទះប្រជាពលរដ្ឋមួយកន្លែង បណ្ដាលឱ្យរងការខូចខាតយ៉ាងដំណំ ដែលហេតុការណ៍ដ៏រន្ធត់នេះបានកើតឡើងកាលពីវេលាម៉ោង២១ និង២០នាទីយប់ថ្ងៃទី០៣ តុលា ឆ្នាំ២០២៣ ស្ថិតនៅចំណុចភូមិក្បាលជួរ ឃុំសំបុក ស្រុកចិត្របុរី ខេត្តក្រចេះ ។
តាមប្រភពពីប្រជាពលរដ្ឋនៅកន្លែងកើតហេតុបានឲ្យដឹងថា បុរសរូបនេះបើករថយន្តម៉ាកToyota Camry(ហើម) ពណ៌.ស ពាក់ស្លាកលេខភ្នំពេញ 2D-6043 បើកបរចេញពីកន្លែងផឹកស៊ីជួបជុំមិត្តភក្តិនៅក្នុងភូមិឃុំកើតហេតុ ក្នុងគោលបំណងត្រឡប់ទៅផ្ទះវិញ។
ប៉ុន្តែដោយសារស្ថានភាពស្រវឹងជោកជាំ និងប្រើល្បឿនលឿនក៏បានរេចង្កូតទៅបុករះផ្ទះប្រជាពលរដ្ឋទាំងកំរោលបណ្តាលឱ្យបាក់ស្រុតរងការខូចខាតជាដំណំ ។ តាមរបាយការណ៍នគរបាលបានឲ្យដឹងថា អ្នកបើកបររថយន្តបង្កឈ្មោះគង់ កក្កដា ភេទប្រុស អាយុ៣២ ឆ្នាំរស់នៅភូមិធំ ឃុំសណ្ដាន់ ស្រុកសំបូរ ខេត្តក្រចេះ ។
តាមរបាយការណ៍បន្តទៀតថា គ្រោះថ្នាក់ចរាចរណ៍នេះ បង្កឡើងដោយសារការបើកបររថយន្តក្នុងល្បឿនលឿនខ្វះការប្រុងប្រយ័ត្ន និងស្ថិតក្នុងស្ថានភាពស្រវឹងផងក៏បានរេចង្កូតទៅបុកផ្ទះប្រជាពលរដ្ឋនៅចំណុចទីតាំងខាងលើពេញទំហឹងបណ្ដាលឱ្យបាក់សសរមួយដើមនិងផ្នែកខាងមុខបាក់ស្រុតធ្លាក់ដល់ដី រីឯរថយន្តក៏រងការ ខូចខាតមួយកំណត់ផ្នែកខាងមុខ តែមិនមានប៉ះពាល់ដល់អាយុជីវិតមនុស្សឡើយ ។
តើសំណាងមានប៉ុន្មានដងទៀតទៅ? បុកខ្ទេចផ្ទះខ្ទេចឡាន តែមនុស្សមិនអី
Plugin Install : Widget Tab Post needs JNews - View Counter to be installed
- Trending
- Comments
- Latest
Recent News
អាស័យដ្ឋាន៖ ភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន ខេត្តប៉ៃលិន
Tel: 0977662142 / 069662142 / 095662142
Email: boreynhoeb@gmail.com