តៃវ៉ាន់និយាយថា យន្តហោះចម្បាំងចិន ៦៨គ្រឿង និងនាវា១០គ្រឿង ត្រូវបានរកឃើញនៅក្នុងតំបន់ការពារដែនអាកាសរបស់ខ្លួន

(តៃវ៉ាន់)៖ តៃវ៉ាន់បាននិយាយថា ប្រទេសចិនបានបញ្ជូនយន្តហោះចម្បាំងចំនួន ៦៨ គ្រឿង និងបានបញ្ជូននាវាកងទ័ពជើងទឹកចំនួន ១០គ្រឿងទៅកាន់កោះដែលគ្រប់គ្រងដោយខ្លួនឯង។ ក្រសួងការពារជាតិតៃវ៉ាន់ បាននិយាយនៅក្នុងសេចក្តីថ្លែងការណ៍មួយថា “យន្តហោះ PLA ចំនួន៦៨ និងនាវា PLAN ចំនួន ១០ នៅជុំវិញកោះតៃវ៉ាន់ត្រូវបានរកឃើញ នៅម៉ោងប្រហែល៦ ព្រឹកថ្ងៃព្រហស្បតិ៍ ដែលក្រសួងការពារជាតិតៃវ៉ាន់ បាននិយាយនៅក្នុងសេចក្តីថ្លែងការណ៍មួយដោយសំដៅទៅលើកងទ័ពរបស់ប្រទេសចិន។ ក្រសួងការពារជាតិតៃវ៉ាន់ បាននិយាយថា នាវាដែលជានាវាផ្ទុកយន្តហោះប្រតិបត្តិការមួយក្នុងចំណោមនាវាផ្ទុកយន្តហោះប្រតិបត្តិការពីរនៅក្នុងកងនាវាចិន មានចម្ងាយប្រហែល៦០ម៉ាយក្នុងសមុទ្រ ភាគអាគ្នេយ៍នៃចំណុចភាគខាងត្បូងបំផុតរបស់កោះនេះ ហើយបានធ្វើដំណើរទៅកាន់ប៉ាស៊ីហ្វិកខាងលិច។ ជាមួយគ្នានោះ ជប៉ុនក៏បានកត់សម្គាល់ផងដែរអំពីវត្តមានរបស់នាវាចិនដែលធ្វើដំណើរឆ្ពោះទៅកាន់តំបន់ឆ្លងកាត់ច្រកសមុទ្រមីយ៉ាកូ។ នទ្ទឹមនោះ ចិនមិនបានធ្វើអត្ថាធិប្បាយជាផ្លូវការលើសមយុទ្ធយោ ធាណាមួយដែលកំពុងធ្វើនៅក្នុងតំបន់នោះទេ៕