ក្រសួង​វប្បធម៌ចុះ​អនុស្សារណៈ ​ជាមួយ​សមាគមឧស្សាហកម្មកម្ពុជា-ចិន ផ្សព្វផ្សាយវប្បធម៌ខ្មែរ

(ភ្នំពេញ)៖ ការ​ចុះអនុស្សរណៈរវាង​ក្រសួង​វប្បធម៌ និង​វិចិត្រ​សិល្បៈ ជាមួយសហគមន៍​ជំរុញ​ឧស្សាហកម្ម​កម្ពុជា​-ចិន នឹង​ជួយ​ពង្រឹងបន្ថែមទៀត នូវ​ប្រសិទ្ធភាព​នៃ​ការ​ផ្សព្វផ្សាយ​សិល្បៈ​វប្បធម៌​ខ្មែរឱ្យ​កាន់​តែ​មាន​ភាព​ទូលំទូលាយទៅ​កាន់​ពិភព​លោក។នៅ​ទី​ស្តី​ការ​ក្រសួង​វប្បធម៌ និង​វិចិត្រ​សិល្បៈកាលពី​​ថ្ងៃ​ទី១២ ខែ​កក្កដា ឆ្នាំ​២០២៣ នេះ លោកស្រី ភឿង សកុណា រដ្ឋមន្ត្រី​ក្រសួង​វប្បធម៌ និង​វិចិត្រ​សិល្បៈ បាន​អញ្ជើញ​ជា​អធិបតី​ក្នុង​ពិធី​ចុះ​ហត្ថ​លេខា​អនុស្សរណៈយោគយល់​គ្នា​រវាង​ក្រសួងវប្បធម៌ និង​វិចិត្រសិល្បៈនិង​សមាគម​ជំរុញ​​ឧស្សាហកម្ម កម្ពុជា-ចិន នៅ​ក្នុង​គោលបំណងដើម្បី​ពង្រឹង​កិច្ច​សហប្រតិបត្តិការ​ឱ្យ​កាន់​តែ​ជិត​ស្និត​បន្ថែម​ទៀត​រវាង​ដៃ​គូរ​រដ្ឋ​និង​ឯកជន។ការ​ចុះ​អនុស្សរណៈកម្ពុជា​-ចិន មួយ​នេះ នឹង​ជួយ​ពង្រឹង​ការ​ផ្សព្វផ្សាយ​សិល្បៈ​វប្បធម៌​ខ្មែរ តាម​រយៈ​ការ​បង្កើត​ព្រឹត្តិការណ៍​សិល្បៈ ការ​រៀប​ចំ​តាំង​ពិព័រណ៍​គំនូរ​វិចិត្រ​កម្ម ការ​រៀប​ចំ​សិក្ខា​សាលា ដើម្បី​ចែក​រំលែក​បទ​​ពិសោធន៍ ជំរុញ​ការ​អភិវឌ្ឍ​សិល្បៈ​វប្បធម៌​ ដើម្បី​ឲ្យ​ស្រប​តាម​បរិបទ​ឧស្សាហកម្ម​ទេសចរណ៍ វប្បធម៌ និង​ការ​បង្កើត​​ថ្មី៕