រាជធានីភ្នំពេញ ៖ ភោជនីយដ្ឋានយីហោ ជួបគ្នាទីនេះ «Meet You Here» ត្រូវបានអគ្គីភ័យឆាបឆេះយ៉ាងសន្ធោសន្ធៅនៅជាន់ទី១ បង្កឲ្យមានការភ្ញាក់ផ្អើលដល់ប្រជាពលរដ្ឋ និងរថយន្តពន្លត់អគ្គីភ័យជាច្រើនគ្រឿងទៅជួយអន្តរគមន៍បាញ់ពន្លត់អស់រយៈពេលប្រមាណជិត១ម៉ោងទើបរលត់។
ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោងប្រមាណ១២និង១៥នាទីថ្ងៃត្រង់ថ្ងៃទី២៦ ខែមិថុនា ឆ្នាំ២០២៣ នៅចំណុចភោជនីយដ្ឋានយីហោ ជួបគ្នាទីនេះ «Meet You Here» ផ្ទះលេខ១៥ តាមបណ្ដោយផ្លូវលេខ ៥៩០ មូលដ្ឋានសង្កាត់បឹងកក់ទី ២ ខណ្ឌទួលគោក រាជធានីភ្នំពេញ។
តាមនគរបាលអោយដឹងថា ភោជនីយដ្ឋានដែលត្រូវភ្លើងឆេះនោះធ្វើអំពីថ្ម មានទំហំប្រមាណ១៥ម៉ែត្រ គុណ២០ម៉ែត្រ មានម្ចាស់ឈ្មោះជីន យូអ៊ី ភេទស្រី អាយុ២៨ឆ្នាំ ជនជាតិខ្មែរ ។
តាមសាក្សីបានអោយដឹងថា នៅមុនពេលកើតហេតុ ជាងបានទៅផ្សារដែកហើយអគ្គិសនីបានដាច់ ក្រុមជាងបានទៅហូបបាយអស់ទៅ ។ នៅពេលភ្លើងបានឆេះវិញ ស្រាប់តែមានអគ្គិភ័យឆាបឆេះ ផ្សែងហ៊ុយចេញពីជាន់លើនៃភោជនីយដ្ឋាន ភ្លាមៗនោះប្រជាពលរដ្ឋក្បែរខាងក៍ដូចជាបុគ្គលិក បាននាំគ្នាយកបំពង់បាញ់ពន្លត់ដែរ តែពុំអាចទប់ស្កាត់បានហើយ ភ្លើងបានឆេះយ៉ាងសន្ធោសន្ធៅពេញបន្ទុក ក៏បានទាក់ទងរថយន្តពន្លត់អគ្គីភ័យទៅអន្តរាគមន៍តែម្តង។
តាមនគរបាលការិយាល័យ បង្ការ ពន្លត់អគ្គីភ័យ និងសង្គ្រោះនៃស្នងការនគរបាលរាជធានីភ្នំពេញបានអោយដឹងថា នៅក្នុងហេតុការណ៍គ្រោះអគ្គិភ័យនេះ រថយន្តពន្លត់អគ្គីភ័យទៅអន្តរាគន៍បាញ់ពន្លត់ចំនួន១០គ្រឿងនិងបានប្រើប្រាស់អស់ទឹកចំនួន៨គ្រឿងហើយភ្លើងបានរលត់ជាស្ថាពរនៅវេលាម៉ោងប្រមាណ១រសៀល។
តាមនគរបាលអោយដឹងទៀតថា អគ្គីភ័យនេះបណ្តាលអោយរងការខូចខាតសម្ភារៈ១បន្ទប់នៅជាន់ទី១ហើយ ពុំបណ្ដាលអោយឆេះរាលដាលនិងបង្កអោយមនុស្សរងរបួសឡើយ ។ អគ្គិភ័យនេះបណ្តាលមកពីឆ្លងចរន្តអគ្គីសនី ។ ទោះបីជាយ៉ាងណា បន្ទាប់ពីពន្លត់ចប់ នគរបាលក៏បាននាំខ្លួនក្រុមជាងទៅសាកសួរផងដែរ ៕ 
កំពុងផ្សារដែកដាច់ភ្លើង ក្រុមជាងទៅហូបបាយអស់ លុះមានភ្លើងវិញ ឆេះភោជនីយដ្ឋានយ៉ាងសន្ធោសន្ធៅ
Plugin Install : Widget Tab Post needs JNews - View Counter to be installed
- Trending
- Comments
- Latest
Recent News
អាស័យដ្ឋាន៖ ភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន ខេត្តប៉ៃលិន
Tel: 0977662142 / 069662142 / 095662142
Email: boreynhoeb@gmail.com