ខេត្តកំពត ៖ ដោយបានទទួលព័ត៌មានរាយការណ៍ នៅវេលាម៉ោង៧យប់ថ្ងៃទី២០ ខែមិថុនា ឆ្នាំ២០២៣ ថា មានជនសង្ស័យលក់ថ្នាំញៀន នៅចំណុចThe Moon ស្ថិតក្នុងភូមិទ្វីខាងជើង សង្តាត់អណ្តូងខ្មែរ ក្រុងកំពត ខេត្តកំពត លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត បានបញ្ជាកម្លាំងជំនាញការិយាល័យប្រឆាំងគ្រឿងញៀនខេត្ត ដឹកនាំដោយលោកវរសេនីយ៍ឯក ទឹម សុភាព បានធ្វើការស៊ើបអង្កេត និងស្រាវជ្រាវ ចាំឃ្លាំមើល ក៏ប្រទះឃើញជនសង្ស័យកំពុងជួញដូរដោយខុសច្បាប់នូវសារធាតុញៀន ទើបកម្លាំងសមត្ថកិច្ចព័ទ្ធចាប់ខ្លួនជនសង្ស័យសរុបចំនួន០៨នាក់ ក្នុងនោះមានស្ត្រីម្នាក់ ។
ជនសង្ស័យទាំង ០៦នាក់ រួមមាន ៖
១. ឈ្មោះ ឈីវ ឈីត ភេទប្រុស អាយុ២៧ឆ្នាំ រស់នៅភូមិស្នំប្រាំពីរ ឃុំម៉ាក់ប្រាង្គ ស្រុកទឹកឈូ ខេត្តកំពត ។
២. ឈ្មោះ ជុំ វិបុល ភេទប្រុស អាយុ៣២ឆ្នាំ រស់នៅភូមិស្នំប្រាំពីរ ឃុំម៉ាក់ប្រាង្គ ស្រុកទឹកឈូ ខេត្តកំពត ។
៣. ឈ្មោះ វ៉ន ណាក់ ភេទប្រុស អាយុ ២០ឆ្នាំ រស់នៅភូមិស្នំប្រាំពីរ ឃុំម៉ាក់ប្រាង្គ ស្រុកទឹកឈូ ខេត្តកំពត ។
៤. ឈ្មោះ មាស ពៅ ភេទប្រុស អាយុ ៣០ឆ្នាំ រស់នៅភូមិអូរតូច សង្កាត់អណ្តូងខ្មែរ ក្រុងកំពត ខេត្តកំពត ។
៥. ឈ្មោះ គង់ សុថន ភេទប្រុស អាយុ ៣៥ឆ្នាំ រស់នៅភូមិស្នំប្រាំពីរ ឃុំម៉ាក់ប្រាង្គ ស្រុកទឹកឈូ ខេត្តកំពត ។
៦. ឈ្មោះ ឈុន តុលា ភេទស្រី អាយុ ៣៧ឆ្នាំ រស់នៅភូមិកំពង់បាយខាងជើង សង្កាត់កំពង់បាយ ក្រុងកំពត ខេត្តកំពត ។
ក្រោយឃាត់ខ្លួនជនសង្ស័យទាំង ០៦នាក់ កម្លាំងជំនាញ បន្តស្រាវជ្រាវ រហូតឃាត់ខ្លួនបានបក្ខពួកជនសង្ស័យចំនួន០២នាក់បន្ថែមទៀត នៅចំណុចការ៉ាសសាំងឈ្មោះ សេងតុងម៉េង ស្ថិតក្នុងភូមិត្រពាំងជ្រៃ ឃុំត្រពាំងធំ ស្រុកទឹកឈូ ខេត្តកំពត ។
ជនសង្ស័យចំនួន០២នាក់ រួមមាន ៖
១. ឈ្មោះ ប៉ៃ បូរី ភេទប្រុស អាយុ២៤ឆ្នាំ រស់នៅភូមិព្រៃត្នោត ឃុំកំពង់គ្រែង ស្រុកទឹកឈូ ខេត្តកំពត ។
២. ឈ្មោះ ឡុង សុវណ្ណបញ្ញា ភេទប្រុស អាយុ ២០ឆ្នាំ រស់នៅភូមិព្រៃឃ្មុំ ឃុំព្រៃឃ្មុំ ស្រុកទឹកឈូ ខេត្តកំពត ។
វត្ថុតាងដកហូត រួមមាន ៖
-ម្សៅក្រាមពណ៌សថ្លាដែលសង្ស័យជាសារធាតុញៀន ០៩កញ្ចប់
-ទូរស័ព្ទ ៧គឿង
-ម៉ូតូ៦គ្រឿង ។
បច្ចុប្បន្នកម្លាំងសមត្ថកិច្ចកំពុងកសាងសំណុំរឿងបញ្ជូនជនសង្ស័យទាំង៨នាក់ និងវត្ថុតាងទៅតុលាការ ដើម្បីចាត់ការតាមនីតិវិធីច្បាប់ ៕
