ផ្អើលនៅកំពង់ស្ពឺ! ឡាន ៩ គ្រឿង បុកគ្នាបន្តកន្ទុយ នៅចំណុច ចំណោតយាយម៉ៅពេជ្រនិល

ស្នងការដ្ឋាននគរបាលខេត្តកំពង់ស្ពឺ នៅថ្ងៃទី ០៦ ខែមិថុនា ឆ្នាំ ២០២៣ នេះ បានជូនដំណឹងបឋមពីករណីគ្រោះថ្នាក់ ចរាចរណ៍ដ៏រន្ធត់មួយនៅលើផ្លូវជាតិលេខ ៤ ចន្លោះគីឡូម៉ែត្រ ១០៣-១០៤ ដោយរថយន្តបុកពីក្រោយគ្នាសរុបប្រមាណ ៩ គ្រឿង ចំណុចចំណោតយាយម៉ៅពេជ្រនិល ភូមិទី ៦ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ។ទាក់ទិនទៅនឹងហេតុការណ៍ដ៏រន្ធត់នេះ ស្នងការដ្ឋាននគរបាលខេត្តកំពង់ស្ពឺ បានបញ្ជាក់ឱ្យដឹងថា នៅថ្ងៃទី ០៦ ខែ មិថុនា ឆ្នាំ ២០២៣ វេលាម៉ោង ១៤:២០ នាទី នៅលើផ្លូវជាតិលេខ ៤ ចន្លោះគីឡូម៉ែត្រ ១០៣-១០៤ ត្រង់ចំណុចភូមិទី ៦ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ ករណីគ្រោះថ្នាក់ចរាចរណ៍រវាងរថយន្តបុកពីក្រោយរថយន្តចំនួន ៩ គ្រឿង ក្នុងដំណើរស្របទិសគ្នា បណ្តាលឱ្យគ្រោះថ្នាក់ ស្លាប់ ១ នាក់ (ស្រី) នៅកន្លែងកើតហេតុ របួសធ្ងន់ ២ នាក់ (ប្រុស) និង ខូចខាតរថយន្ត ៩ គ្រឿងធ្ងន់។ករណីនេះ កម្លាំងនគរបាលចរាចរ នៃអធិការដ្ឋាននគរបាលស្រុកភ្នំស្រួច និង កម្លាំងសង្គ្រោះ បាន និង កំពុងធ្វើ ចរាចរណ៍នៅកន្លែងកើតហេតុ និង សម្របសម្រួលលើករណីនេះកុំឱ្យកកស្ទះចរាចរណ៍ និង ជួយសង្គ្រោះមនុស្ស។ ព័ត៌មានលម្អិតជូនពេលក្រោយ៕