ខេត្តបន្ទាយមានជ័យ ៖ រថយន្តបែនដឹកថ្មបុ.កគោយន្តកន្ត្រៃដឹកកន្ទក់ពីក្រោយ បណ្តាលឱ្យរងរបួសរបួសធ្ងន់២នាក់ ក្រោយមកក៏បានស្លា.ប់ម្នាក់ ពេលបញ្ជូនដល់មន្ទីពេទ្យកើតឡើង កាលពីថ្ងៃទី៣ ខែមិថុនា ឆ្នាំ២០២៣ នៅតាមបណ្តោយផ្លូវជាតិលេខ៥ ស្ថិតភូមិគោកទំលាប់ ឃុំបន្ទាយនាង ស្រុកមង្គលបូរី ខេត្តបន្ទាយមានជ័យ។
អ្នកនៅក្បែរកន្លែងកើតហេតុបានប្រាប់ថា មុនពេលកើតហេតុ មានគោយន្តកន្ត្រៃដឹកកន្ទក់ពេញបើកបរតាមបណ្តោយផ្លូវជាតិលេខ៥ ក្នុងទិសដៅពីត្បូងមកជើង តាមគន្លងម៉ូតូ ហើយរថយន្តពាក់ផ្លាកលេខ ភ្នំពេញ 3A-8297 បែនដឹកថ្មពេញ បើកបរស្របទិសគ្នាបានបុ.កពីក្រោយយ៉ាងពេញទំហឹងបណ្តាលឱ្យគោយន្តកន្ត្រៃសណ្តោងរ៉ឺម៉កខ្ទេចបែកការ៉ុងកកន្ទក់ពេញផ្លូវ និងបណ្តាលឱ្យរបួសធ្ងន់២នាក់ ក្រោយមកក៏បានស្លា.ប់ម្នាក់ពេលបញ្ជូនទៅកាន់មន្ទីរពេទ្យ។
សាច់ញាតិជនរងគ្រោះបានបញ្ជាក់ថា ជនរងគ្រោះមានមុខរបរដឹកធ្យូងលក់ ក្រោយលក់ធ្យូងអស់ក៏បានស៊ីឈ្នួលដឹកកន្ទក់អោយគេពីខេត្តបាត់ដំបងមកខេត្តបន្ទាយមានជ័យ តែចៃដន្យអ្វីជួបគ្រោះថ្នាក់ចរាចរណ៍ បណ្តាលឱ្យរបួសធ្ងន់ម្នាក់ និងស្លា.ប់ម្នាក់បានចោលប្រពន្ធនិងកូន។
ក្រោយពេកកើតហេតុ គេឃើញមន្ត្រីនគរបាលចរាចរណ៍ស្រុកមង្គលបូរី បានចុះមកពិនិត្យសម្រួលចរាចរណ៍ និងវាស់វែង បានប្រាប់ឱ្យដឹងថាមូលហេតុគ្រោះថ្នាក់ចរាចរណ៍កើតឡើងបង្កដោយរថយន្តបែនថ្ម ដែលបើកបរក្នុងល្បឿនលឿន ស្របទឹសគ្នាបុ.កពីក្រោយគោយន្តកន្ត្រៃសណ្តោងរ៉ឺម៉កដឹកកន្ទក់ បណ្តាលឱុ្យខ្ទេចការ៉ុងកន្ទក់បែកខ្ទេចលើផ្លូវហុយ និងបណ្តាលឱ្យរបួសធ្ងន់២នាក់ ត្រូវបានសង្គ្រោះហើយបញ្ជូនដល់មន្ទីពេទ្យ ហើយក៏បានស្លា.ប់ម្នាក់។
មន្ត្រីនគរបាលចរាចរណ៍បានបញ្ជាក់ថា ក្រោយធ្វើការវាស់វែងហើយ រថយន្តបង្កនិងគោយន្តត្រូវបានយកទៅរក្សាទុកនៅអធិដ្ឋាននគរបាលស្រុកមង្គលបូរី ដើម្បីដោះស្រាយគ្នាតាមច្បាប់ ៕ 
លក់ធ្យូងអស់ ក៏ស៊ីឈ្នួលដឹកកន្ទក់ឱ្យគេឆ្លងខេត្ត ស្រាប់តែជួបគ្រោះអកុសលយ៉ាងរន្ធ.ត់
Plugin Install : Widget Tab Post needs JNews - View Counter to be installed
- Trending
- Comments
- Latest
Recent News
អាស័យដ្ឋាន៖ ភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន ខេត្តប៉ៃលិន
Tel: 0977662142 / 069662142 / 095662142
Email: boreynhoeb@gmail.com