(កីឡា)៖ ព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ ដែលប្រព្រឹត្តិទៅចាប់ពីថ្ងៃទី០៣ ដល់ថ្ងៃទី០៩ ខែមិថុនា ឆ្នាំ២០២៣ ត្រូវបានកំណត់ជាគោលការណ៍នូវប្រទេសកីឡាចំនួន១៣ និងប្រភេទកីឡាសម្តែង១ និងមាន ១១ប្រទេសចូលរួម ប្រតិភូកីឡាសរុបចំនួន ២ ៦៩២នាក់។ ប្រកួត កីឡាអុក ក្នុងព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ នឹងត្រូវធ្វើឡើងនៅក្នុង សាលដំបូលទូកនៃសាកលវិទ្យាល័យភុមិន្ទភ្នំពេញ ដែលការប្រកួតគ្រោងនឹងចាប់ផ្ដើមចាប់ពីថ្ងៃទី០៣ ដល់ថ្ងៃទី០៨ ខែមិថុនា ឆ្នាំ២០២៣។
គួរបញ្ជាក់ថា ការប្រកួតកីឡាអាស៊ានប៉ារ៉ាហ្គេម លើកទី១២ មាន ១៤ប្រភេទ រួមមាន កីឡាប៊ូស្យា បាល់ទាត់ម្ខាង៥នាក់ (ចលករខួរក្បាល) បាល់បោះពិការភ្នែក វាយសី វាយកូនឃ្លីលើតុ បាល់ទះអង្គុយ អុក បាល់ទាត់ម្ខាង៧នាក់(ចលករខួរក្បាល) អត្តពលកម្ម ហែលទឹក លើកទម្ងន់ បាល់ទះលើរទេះ យូដូ និងកីឡាអេឡិចត្រូនិច (Demonstration Sport)៕
