ខេត្តព្រះសីហនុ៖រថយន្ដស៊េរីទំនើបមួយគ្រឿងម៉ាក Rang Rover ត្រូវបានអណ្ដាតភ្លើងឆាបឆេះអស់ទាំងស្រុង ខណៈដែលសមត្ថកិច្ចបញ្ជាក់ថា បណ្ដាលមកពីធ្លាយធុងប្រេង។
ហេតុឆេះរថយន្ដនេះបានកើតឡើងកាលពីវេលាម៉ោង០១និង៣០នាទីរំលងអាធ្រាត្រ ឈានចូលថ្ងៃទី២៤ ខែឧសភា ឆ្នាំ២០២៣ នៅចំនុចក្រុម១ ភូមិ៦ សង្កាត់លេខ៤ ក្រុងព្រះសីហនុ ខេត្តព្រះសីហនុ។
យោងតាមរបាយការណ៍របស់នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ បានឲ្យដឹងថា រថយន្ដដែលត្រូវអណ្ដាលភ្លើងឆាបឆេះនេះម៉ាក Rang Rover ពណ៏ ស ពាក់ស្លាកលេខ កម្ពុជា FCAI 1668 ដែលមានម្ចាស់ឈ្មោះ ទាវ គឹមភាវ ។
ក្នុងរបាយការណ៍បញ្ជាក់ថា មូលហេតុដែលបង្កឲ្យមានការឆាបឆេះនេះ គឺបណ្ដាលមកពីធ្លាយធុងប្រេងរថយន្តបង្កជាអគ្គិភ័យធ្វើឲ្យឆាបឆេះរថយន្តតែម្តង ប៉ុន្តែមិនបណ្ដាលឲ្យអ្នកបើករថយន្ដរងរបួសនោះទេ។
ក្នុងប្រតិបត្តិការជួយអន្តរាគមន៍ កម្លាំងជំនាញពន្លត់អគ្គិភ័យបានប្រើប្រាស់រថយន្ដពន្លត់អគ្គិភ័យសរុបចំនួន២គ្រឿងទើបគ្រប់គ្រងស្ថានការណ៍បាន៕ 
