រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នាវេលាម៉ោង៩និង៤៣នាទីព្រឹកថ្ងៃទី១៧ មីនា ឆ្នាំ២០២៣ មានករណីឃ្លាំងស្តុកគ្រឿងបន្លាស់រថយន្តមួយកន្លែង នៅតាមបណ្តោយផ្លូវម៉ុងឫទ្ធី ស្ថិតក្នុងភូមិបាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ត្រូវបានអគ្គិភ័យឆាបឆេះយ៉ាងសន្ធោសន្ធៅ និងបង្កការភ្ញាក់ផ្អើលដល់រថយន្តពន្លត់អគ្គិភ័យជាច្រើនគ្រឿងចុះមកជួយអន្តរាគមន៍បាញ់ពន្លត់ តែមិនទាន់រលត់នៅឡើយទេ ។
ឃ្លាំងកើតហេតុខាងលើនេះស្ថិតក្នុងដីឡូតិ៍មួយកន្លែង នៅដាច់ដោយឡែកពីផ្ទះប្រជាពលរដ្ឋ ។
នៅក្នុងហេតុការណ៍អគ្គិភ័យឆាបឆេះឃ្លាំងស្តុកគ្រឿងបន្លាស់រថយន្តខាងលើនេះដែរ គេមិនទាន់ដឹងពីមូលហេតុ និងទំហំនៃការខូចខាត ឬមានមនុស្សរងគ្រោះថ្នាក់នៅឡើយទេ ។
