ខេត្តសៀមរាប ៖ អបអរសាទរ «ភូមិ វត្តបូព៌» ជាប់លំដាប់ទី៣ ក្នុងចំណោមទីតាំងដ៏សែនមនោរម្យទាំង៥១ នៅលើពិភពលោក។
បើតាមរយៈការស្ទង់មតិរបស់គេហទំព័រទេសចរណ៍ (Time Out) ដ៏ល្បីល្បាញរបស់អង់គ្លេស ដែលបានធ្វើទៅលើទីក្រុងប្រមាណ២ម៉ឺន លើពិភពលោក ដោយអនុញ្ញាតឱ្យអ្នកជំនាញក្នុងតំបន់ និងទេសចរណ៍ផ្តល់ចំណាត់ថ្នាក់ ចំពោះទីតាំងដើរកម្សាន្ត ម្ហូប អាហារ វប្បធម៌ និងសហគមន៍។
សូមបញ្ជាក់ថា តាមចំណាត់ថ្នាក់គេហទំព័រទេសចរណ៍ខាងលើនេះបានសរសេររៀបរាប់ពីសកម្មភាពទេសចរណ៍គួរធ្វើនៅ «ភូមិវត្តបូព៌» ដោយពួកគេអាចចំណាយពេលមួយថ្ងៃក្នុងការដើរកម្សាន្តនៅភូមិដ៏សែនមនោរម្យមួយនេះ ដើម្បីទទួលបានបទពិសោធន៍ដំណើរកម្សាន្តថ្មីនៅកម្ពុជា។
ក្នុងបញ្ជីចំណាត់ថ្នាក់ទីតាំងដ៏សែនមនោរម្យទាំង៥១លើពិភ លោកប្រចាំឆ្នាំ២០២២ នោះ (The 51 Coolest Neighborhoods in the World) បានដាក់ «ភូមិវត្តបូព៌» សង្កាត់សាលាកំរើក ក្រុងសៀមរាប ស្ថិតនៅលំដាប់ទី៣ បន្ទាប់ពីទីតាំង Colonia Americana ក្រុង Guadalajara ប្រទេសម៉ិកស៊ិក និង Cais do Sodre ក្រុងលីស្បោន ប្រទេសព័រទុយហ្គាល់ ក្នុងចំណោមទីតាំងដ៏សែនមនោរម្យបំផុតទាំង៥១លើពិភពលោក។
កក្ដាខាងលើនេះ គឺជាការចូលរួម និងការយកចិត្តទុកដាក់ដ៏ធំធេងពីសំណាក់អាជ្ញាធរមូលដ្ឋាន និងប្រជាពលរដ្ឋដែលរស់នៅក្នុងភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប។ ហើយតាមរយៈការវា.យតម្លៃ គឺជាជាមោទភាព និងជាកិត្តិយសសម្រាប់ប្រជាពលរដ្ឋរស់នៅភូមិវត្តបូព៌ រដ្ឋបាលសង្កាត់សាលាកំរើក និងខេត្តសៀមរាបទាំងមូលផងដែរ។ មិនតែប៉ុណ្ណោះ នេះក៏ជាការទាក់ទាញភ្ញៀវទេសចរជាតិ និងអន្តរជាតិ ចូលមកទស្សនាខេត្តសៀមរាប កាន់ច្រើនបន្ថែមទៀតដែរ៕
