មធ្យោបាយដ៏ល្អបំផុតដែលឪពុកម្តាយអាចបង្រៀនកូនអំពីសេចក្ដីស្រឡាញ់ ចិត្តល្អ និងមនុស្សល្អ គឺការយកគំរូតាមឪពុកម្តាយតែម្តង ។ ខាងក្រោមនេះ គឺជាវិធីសាស្ត្រមួយចំនួនដែលអ្នកអាចបង្រៀនកូនរបស់អ្នកដោយប្រយោលអំពីសេចក្តីស្រឡាញ់ និងសេចក្តីសប្បុរសជារៀងរាល់ថ្ងៃ ៖
១. ធ្វើជាគំរូ ៖ កូនរៀនពីឪពុកម្តាយ ដូច្នេះវិធីល្អបំផុតដើម្បីបង្រៀនកូនរបស់អំពីអ្វីដែលជាសេចក្ដីស្រឡាញ់ និងសេចក្ដីសប្បុរស គឺការធ្វើជាគំរូ ។ រឿងសាមញ្ញៗដូចជា ការបង្ហាញក្តីស្រឡាញ់របស់អ្នកដោយការឱប ការថើប និងការនិយាយថា អរគុណជាដើម ។ អ្វីដែលកាន់តែល្អនោះ គឺប្រសិនបើអ្នកពន្យល់ពីមូលហេតុដែលអ្នកធ្វើរឿងទាំងនេះ ។
២. ជួយឱ្យគេយល់ ៖ ឪពុកម្តាយទាំងអស់មានទម្លាក់ដោយសំណួរ ហេតុអ្វី ? ច្រើនដងក្នុងមួយថ្ងៃនៅពេលមានកូនតូចៗ ខណៈដែលពួកគេចង់ដឹងចង់ឃើញ និងចង់យល់ពីមនុស្សជុំវិញខ្លួន ។ នៅពេលដែលឱកាសកើតឡើងកន្លែងដែលពួកគេគួរមានចិត្តល្អ ចូរពន្យល់ពួកគេពីមូលហេតុដែលពួកគេគួរធ្វើតាមរបៀបនេះ និងអ្វីដែលពួកគេគួរធ្វើ ។
៣. ឱ្យពួកគេឃើញពីការជះឥទ្ធិពល ៖ នៅពេលបង្រៀនកូនរបស់អ្នកអំពីសេចក្តីស្រឡាញ់ ក្តីមេត្តា និងសេចក្តីសប្បុរស ព្យាយាមចូលរួមជាមួយពួកគេនៅក្នុងសកម្មភាពដែលពួកគេអាចមើលឃើញពីការជះឥទ្ធិពលដែលពួកគេកំពុងធ្វើ ។ សកម្មភាពដូចជាមិនត្រឹមតែសរសេរកាតថ្លែងអំណរគុណប៉ុណ្ណោះទេ ការផ្តល់ឱ្យ និងមិនត្រឹមតែបរិច្ចាគទៅអង្គការសប្បុរសធម៌ប៉ុណ្ណោះទេ ប៉ុន្តែការធ្វើបញ្ជីអាហារ ការដើរទិញទំនិញយតទៅជូនចាស់ជរាជាដើម នឹងធ្វើឱ្យមានការចាប់អារម្មណ៍កាន់តែខ្លាំងចំពោះពួកគេ ។
៤. ផ្តល់ឱ្យពួកគេនូវជម្រើសមួយ ៖ នៅពេលដែលកុមារត្រូវបានបង្ខំឱ្យធ្វើចិត្តល្អចំពោះអ្នកដទៃ ឬត្រូវបានផ្តល់រង្វាន់មួយចំនួនសម្រាប់ការធ្វើអ្វីមួយ ពួកគេមិនមានអារម្មណ៍ល្អចំពោះសកម្មភាពនោះ ឬវាមិនពិតប្រាកដទាំងស្រុងនោះទេ ។ នេះគឺជាកន្លែងដែលផ្តល់ឱ្យពួកគេនូវជម្រើសធ្វើឱ្យវាក្លាយជាវិជ្ជមាន ។ ប្រសិនបើអ្នកកំពុងបង្រៀនកូនតូចរបស់អ្នកឱ្យចែករំលែកជាមួយមិត្តភ័ក្តិ ជំនួសឱ្យការបញ្ជាឱ្យពួកគេធ្វើ ចូរសួរពួកគេថា តើកូនចង់ឱ្យពួកគេលេងជាមួយរូបដំរី ឬខ្លាជ័ររបស់កូនទេ ? ។
៥. ចំណាយពេលសម្រាប់គ្រួសារប្រកបដោយគុណភាព ៖ មធ្យោបាយដ៏ល្អបំផុតដែលយើងអាចបង្រៀនកូនតូចៗរបស់យើងឱ្យចេះស្រឡាញ់គ្នាទៅវិញទៅមក និងចិត្តល្អ គឺការចំណាយពេលប្រកបដោយគុណភាពជាមួយគ្នា ។ មិនថាជាការអានសៀវភៅរឿងមុនពេលចូលគេងជាមួយគ្នា មើលភាពយន្តប្រចាំសប្តាហ៍ ឬធ្វើដំណើរកម្សាន្តថ្ងៃសៅរ៍សម្រាប់គ្រួសារនោះទេ ពេលវេលាទៀងទាត់ជាមួយគ្នា គឺជាវិធីល្អបំផុតដើម្បីភ្ជាប់ទំនាក់ទំនង ៕
