ព្រឹត្តិការណ៍ប្រកួតកីឡាទូកប្រពៃណីខ្នាតអន្តរជាតិធំអស្ចារ្យនៅក្នុងខេត្តកំពត នឹងប្រព្រឹត្ដទៅនៅដើមកញ្ញានេះ

(ភ្នំពេញ)៖ ឆាប់ៗខាងមុខនេះ នឹងមានព្រឹតិ្តការណ៍ដល់ធំអស្ចារ្យនៅក្នុងខេត្តកំពត គឺព្រឹត្តិការណ៍ប្រកួតកីឡាទូកប្រពៃណីខ្នាតអន្តរជាតិ ទូកកានូ ទូកកាយ៉ាក់ និងទូករ៉ូអ៊ីង ជ្រើសរើសជើងឯកថ្នាក់ជាតិ និងពានរង្វាន់ សម្តេចក្រឡាហោម ស ខេងលើកទី៩ ឆ្នាំ២០២២។នេះបើយោងតាម Facebook Page ផ្លូវការរបស់ ស្រាបៀរ GANZBERG។

ព្រឹត្ដិការណ៍នេះ ដើម្បីបំផុសវិស័យកីឡាទូកប្រពៃណីខ្នាតអន្តរជាតិ ទូកនាគ ទូកកានូ ទូកកាយ៉ាក់ និងទូករ៉ូអ៉ីង ទូទាំងប្រទេស ឱ្យមានការរីកចំរើនទាំងថ្នាក់ជាតិ ថ្នាក់អន្តរជាតិ និងត្រៀមខ្លួនរួចជាស្រេចដើម្បី ដណ្តើមយកមេដាយមាស ជូនជាតិមាតុភូមិ ក្នុងព្រឹត្តិការណ៍ប្រកួតកីឡាស៊ីហ្គេម លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។

សហពន្ធ័កីឡាទូកកានូ និងទូករ៉ូអ៊ីង កម្ពុជាបានរៀបចំកម្មវិធីប្រកួតកីឡា ទូកប្រពៃណីខ្នាតអន្តរជាតិ ទូកកានូ កាយ៉ាក់ និងរ៉ូអ៊ីង ជ្រើសរើសជើងឯកថ្នាក់ជាតិ និងពានរង្វាន់ សម្តេចក្រឡាហោម ស ខេង លើកទី៩ ឆ្នាំ២០២២ ដើម្បីជ្រើសរើសយកអត្តពលិកឆ្នើម ដែលមានទេពកោសល្យ មកពីបណ្តារាជធានីខេត្ត ទូទាំងប្រទេសកម្ពុជា។ ការប្រកួតនេះនឹងប្រព្រឹត្តទៅចាប់ពីថ្ងៃទី២-៤ ខែកញ្ញា ឆ្នាំ២០២២ នៅមាត់ស្ទឹងព្រែកកំពត ក្រុងកំពតខេត្តកំពត។

ក្នុងនោះមានការដាក់លក់ផលិតផលជាតិ និងអន្តរជាតិ រាប់ពាន់មុខចាប់ពីថ្ងៃទី២៩ ខែសីហា ដល់ថ្ងៃទី៤ ខែកញ្ញា ក្នុងព្រឹត្តិការណ៍ដ៏សែនមហោឡារឹកនេះ ក្រុមហ៊ុនស្រាបៀរ GANZBERG នឹងរៀបចំការប្រគំតន្ត្រីដ៏អស្ចារ្យ GANZBERG Uber Music Festival ផ្សាយផ្ទាល់ លើកញ្ចក់ទូរទស្សន៍ហង្សមាស HDTV ចាប់ពីម៉ោង៨យប់តទៅ ចូលរួមពីតារាចម្រៀងល្បីៗលំដាប់ជួរមុខ ពោរពេញដោយ ប្រជាប្រិយភាព រៀបចំកម្មវិធីដោយ សហពន្ធ័កីឡាទូកកានូ និងទូករ៉ូអ៊ីងកម្ពុជា សហការឧបត្តម្ភគាំទ្រដោយ ក្រសួងយុវជន និងកីឡា ក្រសួងពាណិជ្ជកម្ម និងរដ្ឋបាលខេត្តកំពត៕