រដ្ឋសភានីតិកាលទី៧ នឹងបើកសម័យប្រជុំដំបូងនៅ​នៅថ្ងៃទី ២១ ខែសីហានេះ

(ភ្នំពេញ)៖រដ្ឋសភានីតិកាលទី៧ នឹងបើកសម័យប្រជុំដំបូងនៅព្រឹកថ្ងៃទី ២១ ខែសីហា ឆ្នាំ ២០២៣ នៅវិមានរដ្ឋសភា ក្រោមព្រះរា​ជាអធិបតីភាពដ៏ខ្ព​ង់​ខ្ព​ស់ព្រះករុណាព្រះបាទសម្ដេច​ព្រះបរមនាថ នរោត្ដម សីហមុនី ព្រះមហាក្សត្រ នៃព្រះរា​ជា​ណា​ចក្រកម្ពុជា។​ការបើកសម័យប្រជុំរបស់រដ្ឋសភាជាលើកដំបូង នេះ ក្រោយពេលដែល ការបោះឆ្នោតជ្រើស​តាំងតំណាង​រាស្ត្រនីតិកាលទី ៧ កាលពីថ្ងៃទី ២៣ ខែកក្កដា ឆ្នាំ ២០២៣ និងប្រកាសលទ្ធបោះ​ឆ្នោតជាផ្លូវការនៅថ្ងៃទី ០៥ ខែសីហា ត្រូវបានបិទបញ្ចប់។ ការបោះឆ្នោតជ្រើសតាំងតំណាងរាស្ត្រ នីតិកាលទី៧ មានប្រជាពលរដ្ឋកម្ពុជាចំនួន ៨៤.៥៩% នៃចំនួនក្នុងបញ្ជីបោះឆ្នោតជាង ៩ លាននាក់ បានទៅបោះឆ្នោត ក្នុងនោះគណបក្ស​ប្រជាជន​កម្ពុជា​ទទួលបាន ១២០ អាសនៈ និង​គណបក្ស​ហ្វ៊ុនស៊ិនប៉ិច ៥ អាសា​នៈ នៅក្នុង​រដ្ឋសភា​នីតិកាល​ទី ៧​៕